Се зголемува притисокот врз Косово да организира нови избори на северот во четирите општини каде живеат мнозинство Срби. Последниот повик доаѓа од германскиот канцелар Олаф Шолц и францускиот претседател Емануел Макрон, кои на самитот на Европската политичка заедница во Кишињев изјавија дека ги повикале и Приштина и Белград што побрзо да организраат нови избори, но овојпат со учество на Србите. Двајцата лидери имале одвоени состаноци со Вучиќ и со Османи, на кои им ги пренеле пораките.
По серијата критики на сметка на косовскиот премиер, и воведување на првите мерки против Приштина, САД и денеска ги повтори барањата до албанскиот премиер Курти. Американскиот амбасадор, Џефри Ховениер, по завршениот состанок, изјави дека не е сигурен дека на Курти му го променил мислењето и дека ќе се согласи на барањата. Српскиот претседател, Вучиќ вели дека не е голем оптимист за ситуацијата, но драго му е што меѓународноата заедница сфатила што се случува на северот од Косово.
