Косовските Срби се судрија со силите на нато на косово, откако група Срби се обидоа да влезат во општинската зграда во Звечан. Силите на КФОР употребија солзавец за да ги одвратат во намерата, на што насобраните возвратиле со камења и шишиња. 53-ца се повредени од шок-бомби, солзавец и од удари.Тројца се во болница, а еден е во животна опасност и има прострелни рани.
Повредени се и околу 25 војници распоредени во мировната мисија на НАТО, КФОР во Косово се повредени денеска во судирите со српски демонстранти кои бараа смена на неодамна избраните градоначалници етнички албанци, соопшти кфор.
Неколку војници на италијанскиот и унгарскиот контингент на КФОР беа цел на неиспровоцирани напади и се здобија со скршеници и изгореници поради експлозија на запаливи средства, пишува во соопштението на КФОР.
НАТО остро ги осуди „неиспровоцираните напади“ врз трупите на КФОР, додавајќи дека „таквите напади се целосно неприфатливи“.
Шефот на делегацијата на ЕУ на Косово остро ги осуди насилните акции на демонстрантите во Звечан и повика на смирување на тензиите.
Рускиот министер за надворешни работи Сергеј Лавров рече дека ситуацијата на Косово е алармантна и дека може да се случи голема експлозија во центарот на Европа.
Српскиот претседател Александар Вучиќ вечерва во телевизиско обраќање рече дека за инцидентите е виновен косовскиот премиер Албин Курти.