Комбе што превезувало резервоари со кислород експлодира попладнево во центарот на Милано. Евакуирани се градинка и станбени згради во околината, јавуваат италијанските медиуми. Според агенцијата Ап, едно лице е повредено.
По пожарот, запалени се пет возила, а евакуирани се деца од основно училиште и станари од една зграда, информира италијанската полиција.
An explosion occurred in the center of Milan, cars are on fire.
According to preliminary information, a parked van exploded. pic.twitter.com/gSIBAYQZBu
— 301 Military (@301military) May 11, 2023
Пожарникари веднаш излегоа на местото на настанот, но пламенот во меѓувреме се прошири на други возила и оштети фасада од станбена зграда, пренесе агенцијата „Ла прес“.
Според градоначалникот на Милано, Бепе Сала не станува збор за терористички акт, ниту за криминална акција.