21-годишниот У.Б., кој се товари за убиство на осум луѓе во Младеновац, пред судот изјави дека го разбира 13-годишниот убиец од ОУ „Владислав Рибникар“ во Белград, но не му бил инспирација, објавува српски Курир.
Изворот на Курир открива и дека У.Б. „се обидел да покаже хуманост и свесност дека тој и момчето не направиле ништо лошо, но не звучел дека навистина да чувствува трошка каење“.
– Не бев инспириран од злосторството што се случи претходниот ден во Белград, ниту пак беше мој мотив да пукам во луѓе во Младеновац. Следев што се случи претходниот ден во Белград, тоа што го направи тоа момче беше лошо, но можам да го разберам затоа што беше омаловажуван како мене – рекол У.Б. по апсењето.
Тој на рочиштето во Вишото јавно обвинителство во Смедерево, го признал делото и детално го опишал својот крвав поход, по што му беше одредена мерка притвор до 30 дена.
