27 загинати во пожар во рудник за злато во Перу

Во пожар кој избувна во рудник за злато во Перу загинаа 27 рудари, соопштија властите денеска, додека полицијата работи на извлекување на телата.

Сепак, се стравува дека бројот на жртвите не е конечен бидејќи немало начин да се комуницира од рудникот.

Според инфомрациите кои ги споделија локалните власти пожарот најверојатно избувнал по краток електричен спој во рудникот. Со рудникот стопанисува мала компанија.

Перу е најголемиот производител на злато во Јужна Америка, а рударството е клучна индустрија за земјата. Секоја година се случуваат десетици смртоносни несреќи, главно во мали рудници каде безбедносните стандарди не се на високо ниво.