Началникот на полицијата во окупираниот украински град Мелитопол, кој пребегна во Русија откако го зазедоа градот, е убиен во диверзантски бомбашки напад. Олександр Мишченко загинал кога импровизирана направа експлодирала на влезот од блокот каде што живее.
Неодамна имаше извештаи за зголемена украинска партизанска активност во регионот. Протераниот градоначалник на Мелитопол рече дека загинатиот офицер бил предавник.
Градот се наоѓа во провинцијата Запорожје, еден од четирите региони за кои Русија тврдеше дека ги анектирала минатата година по нејзината инвазија, и покрај тоа што само делумно ги контролира.
По Мариупол, Мелитопол е најголемиот град на територијата окупирана од Русија од февруари 2022 година.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.