Физичка пресметка меѓу двајца високорангирани дипломати во амбасадата на БиХ во Јордан. Инцидентот го потврди и амбасадорот Мато Зеко.
Додека еден од учесниците во инцидентот тврди дека колегата сакал да го убие, другиот вели дека се бранел од навредите со употреба на џиуџицу зафат за која, нагласува, дека бил крајно контролиран.
Амбасадорот Зеко на 16 март оваа година го известил Кабинетот на министерот за надворешни работи, Елмедин Конаковиќ дека пет дена претходно во неговата канцеларија во Амана дошло, најпрво, до вербална, а потоа и физичка пресметка на високорангираните дипломати – министерот советник Сатко Битанга и советникот Ненад Шкипина, пренесува РТС, повикувајќи се пишувања на порталот Инфорадар.
Судирот избил кога Битанга дознал дека амбасадорот итно го праќа Шкипина во Сараево поради поправка на информатичка опрема чиј дефект не можел да биде поправен во Аман, тврди Зеко.
