Францускиот претседател Емануел Макрон тврди дека реформите на пензискиот систем, кои неговата влада ги протуркаа низ парламентот, мораат да бидат имплементирани до крајот на годината. Реформите, кои предвидуваат зголемување на старосната граница за пензионирање од 62 на 64 години, предизвикаа насилни протести низ повеќе градови. Во првото јавно обраќање по усвојувањето на реформата, Макрон рече дека не му прави задоволство што морала да биде воведена, но морал да ја направи за доброто на државата.
Мислите дека не можев да направам како многумина пред мене и го пикнам под тепих? Да. Можеби. Но вистината е, и ако жалам за нешто, тоа е поради тоа што не успеавме да го споделиме товарот, или попрецизно, потребата од воведувањето на оваа реформа. Кога се вработив прв пат, имаше 10 милиони пензионери. Сега имаме 17 милиони. Во 2030-те ќе имаме 20 милиони. Мислите дека можевме да продолжиме со истите закони, дециден беше макрон
Макрон инсистира дека францускиот пензиски систем мора да биде реформиран за да може да продолжи да се самофинансира.
Вообичаено не сакаме да ја слушнеме вистината, но, оваа реформа не е луксуз, не е забавна, туку е неопходна за нашата држава, рече макрон.
Но, реформата на пензискиот систем беше дочекана на нож од синдикатите и јавноста. Ширум Франција избија насилни протести, а синдикатите организираа национални штрајкови барајќи од Макрон да ја повлече. За утре се најавени нови птрајкови на железницата, париското метро и јавниот превоз во сите поголеми градови.
Со месеци ја искажуваме нашата загриженост, со месеци протестираме, секогаш смирено, мирно, но од таму каде што стои, тој не не слуша, стои во неговата мала дневна соба со коктел и вели „ова е проектите кои ги имаме за образование“. Живее на друга планета, мора да ги спушти нозете на земја. Мора да види низ што поминува државата. Ќе го добие одговорот утре на улиците, му порача на францускиот претседател пратеникот од редовите на левичарската коалиција ФИДЕС, Франсоа Руфин.
Но, и покрај жестокото противење на јавноста, Макрон тврди дека е подготвен да ја издржи непопуларноста во име на иднината на Франција.
Игор Трајков