Париските коминални работнициштрајкуваат тринаесети ден по ред. Утрово француската престолнина се разбуди затрупана во купишта ѓубре.
Работниците во комуналното претпријатие продолжија да ја блокираат најголемата локација за согорување отпад во Европа и две други локации што го третираат отпадот во Париз.
Протестите ги предизвика непопуларната пензиска реформа на францускиот претседател Емануел Макрон за зголемување на старосната граница за пензионирање од 62 на 64 години.
Синоќа улиците во Париз повторно беа блокирани од демонстранти гневни на одлуката на Макрон за спроведувањето на пензиската реформа. Во синоќешните протести интервенираше и париската полиција и ги растера демонстрантите со димни бомби и солзавец.
Францускиот претседател Макрон смета дека зголемувањето на старосната граница за пензионирање е клучно за одржување на економијата на земјата во услови на економска криза.