Два ловци „Тајфун“ на германските и на британските воздухопловни сили пресретнаа руски авион во близина на воздушниот простор на Естонија.
Борбените авиони полетале за да го пресретнат „летечкиот танкер“ ИЛ-78 Мидас, кој летал меѓу Санкт Петербург и Калининград, а кој не успеал да воспостави контакт со контролата на воздушен сообраќај на Естонија.
Откако го следеле Мидас, двата ловци биле пренасочени да пресретнат авион Ан-148 кој, исто така, минувал во близина на естонскиот воздушен простор.
Пресретнувањето на руските авиони било рутинско и во рамки на планираната заедничка патролна контрола во регионот под капата на НАТО.
Инцидентот се случил во период на засилени тензии меѓу НАТО и Русија поради руската инвазија во Украина, но нема докази дека е поврзан со контактот на руски борбен авион и американски дрон над Црното Море.