Русија е подготвена да прифати продолжување на договорот за извоз на украинско жито, но само за 60 дена, додека чека промена во начинот на кој функционира договорот. Ова го соопштила руската делегација на разговорите со високи претставници на Обединетите Нации (ОН).
Москва е незадоволна што со паралелниот договор со кој ѝ се дозволува на земјата да извезува руска храна и ѓубрива кои се користат низ светот, доведе до тоа да се извезе само руското ѓубриво, но не и руското жито. Како дел од аранжманот, Москва бара рускиот амонијак да се транспортира преку Украина за да стигне до пристаништата на Црното Море за натамошен извоз.
Руските власти, исто така, велат дека банкарските ограничувања и високите трошоци за осигурување, ги загрозиле нивните намери за извоз на вештачко ѓубриво.