Маск планира да си изгради сопствен град во Тексас

Милијардерот Илон Маск планира да изгради сопствен град крај Остин, во американската сојузна држава Тексас, објави „Вол Стрит Журнал“.

Во веста на угледниот весник се додава дека замислениот град во округот Бастроп ќе биде подигнат на земјиште покрај објектите „Боринг“ и „Спејс-Х“ кои се веќе во изградба.

Извори истакнаа оти Маск сака вработените во неговите компании „Боринг“, „Тесла“ и „Спејс-Х“ да можат да живеат во нови домови, со кирија која е помала од пазарната.

„Според законот на Тексас, на градот му е потребен најмалку 201 жител пред поднесување на барање за инкорпорација, а потоа и одобрување од окружен судија“, се наведува во извештајот.

Од округот Бастроп наведоа дека сè уште не примиле барање од Маск.