Министерот за инфраструктура и транспорт на Грција, Костас Караманлис поднесе оставка по денешната железничка несреќа во централниот дел на земјата во која загинаа 42 лица, а 130 беа повредени.
Во образложението на таквата одлука, Караманлис наведе дека негова должност е да се повлече, како основен показател за почитување кон споменот на луѓето кои неправедно загинаа, пишува „Асошиејтед прес“.
Грчкиот премиер Киријакос Мицотакис, по обиколка на местото на несреќата, го опиша судирот како „неописива трагедија“ и изрази сочувство кон роднините на жртвите.
„Наша должност сега е да ги лекуваме раните и да бидеме со нив. Единствено што можам да гарантирам е откривање на причините на оваа трагедија и ќе сториме се што е во наша моќ да не се повтори вакво нешто“, напиша Мицотакис на Твитер.
