Цементарница „Усје“ доби кривична пријава од градоначалничката Арсовска, а одговорност ќе бара и од генералниот директор, Борис Хрисафов. Според Град Скопје, на 3 и 4 јануари, компанијата на чело со директорот не се придржувале до обврските од А-интегрираната дозвола која ја поседува фабриката. Со ова ги надминале максимално дозволените граници на испуштање штетни гасови во воздухот. За својата непослушност, која е кривично дело, според Град Скопје, е предвидена и затворска казна.
Цементарницата „Титан – Усје“ наместо дозволениот максимум од 50 микрограми на кубен метар, од оџакот се испуштале 121 микрограми на кубен метар секој час. Исто така, забележано е зголемување на испустот на азотни оксиди за најмалку два пати, односно наместо дозволените 350 микрограми на кубен метар, се испуштале 711 микрограми на кубен метар секој час, велат од Град Скопје.
„Усје“ со спротивен став. Овнинувањата на Арсовска се невистинити, а вистината велат ќе ја докажат и на суд.
Резултатите од мерењата на сите емисиони точки во процесот потврдуваат дека нема надминување, а концентрацијата на РМ10 честичките во амбиентниот воздух измерена во Цементарница УСЈЕ е дури и помала од други мерни места во градот Скопје и во другите градови во земјата. Со оглед на фактот, дека во јавноста се изнесуваат обвинувања кои не се поткрепени со факти, а во насока на заштита на вистината, ние ќе покренеме соодветна правна постапка пред надлежните органи, одговорија од Цементарница „Усје“.
Цементарница „Усје“ од вчера почнале да користат гас, наместо мазут за котлите за парно греење. Но, иако овој енергенс го загадува воздухот, од компанијата велат дека имале право да употребат мазут, поради нарушеното снабдување со природен гас, и во тој случај е дозволен енергенс согласно А-интегрираната еколошка дозвола.
Тамара Марковска
