Камчев повлече нога, кој ќе тргне по неговите стапки и ќе бара спогодба во „Империја“. Обвинителството и адвокатскиот тим на Мијалков молчат за тоа дали се преговара а евентуална спогодба. Доколку се склучи спогодба казната но и сумата која треба да ја плати би била повисока од онаа на Камчев. Во „Империја“ се осомничени уште единаесет лица.
Обвинителството и адвокатскиот тим на Сашо Мијалков ниту потврдуваат ниту демантираат дека е побарана спогодба во случајот „Империја“ или пак дека се водат прелиминарни разговори околу висината на казната и сумата за надомест на штета која би била изречена во спогодбата.
Она што е јасно е доколку има спогодба со Мијалков, казната ќе биде повисока исто како и сумата која тој ќе треба да ја плати во готово.
А доколку се отвори можноста за спогодба последниот збор го има републичкиот обвинител Јовески и неговиот тим, но Рускоска смета дека пари во кеш уплатени во буџет се секогаш подобра опција од чекање на пресуди, жалби и лицитации за продажба на запленет имот.
А во рамките на истрагата за случајт „Империја“ на 15 април обвинителката достави шест барања за замрзнување на имот и удели на Мијалков кои беа прифатени а а чија вредноста според информациите на „Телма“ се околу 32 милиони евра.
Со оваа мерка се опфатени хотелот „Мериот“, куќата во која живее Мијалков на улицата „Салвадор Аљенде“ која своевремено беше седиште на „Ексико“, удели во „Дивелоп груп“ на Александар Ивановски- Алек Тера Нова, една третина од „Бест веј инвестментс“ каде сопственик е неговиот син Јордан и деловен простор вреден околу 1.7 милиони евра кој сеуште е во изградба а се наоѓа на плоштадот во Скопје веднаш до хотелот „Мериот“.
Камчев кој во „Империја“ беше осомничен за повеќе тешки кривични дела по сбогодбата доби едногодишната затворска казна и уплати 5,2 милиони евра на управата за јавни приходи заради пресметан непалтен данок со фирмата „Орка холдинг“ и „Кара“.
Огнен Чанчаревиќ