Во Лавов утрово се слушнале силни експлозии. Најмалку пет експлозии се слушнале во западниот дел на градот, пишува Би-Би-Си.
Според Би-Би-Си, се уште не е јасно што се случило, но од местото на настанот се гледа густ црн чад. Тие додаваат дека еден од нивните известувачи го видел проектилот во лет.
Околу 45 минути пред несреќата се огласиле сирените.
Зеленски го покани Макрон да дојде во Украина и да се увери во руските злосторства
Во интервју за Си-Ен-Ен, Володомир Зеленски го повика Емануел Макрон да дојде во Украина и да се увери во руските злосторства.
Макрон избегнува да ги нарече руските злосторства во Украина геноцид.
„Го поканувам да дојде кога ќе има можност. Ќе дојде и ќе види, сигурен сум дека ќе разбере“, рече Зеленски.
Украинското Министерство за одбрана објави фотографија на која се гледаат, како што тврдат, остатоците од некогаш познатата библиотека во Чернихив. Сликата покажува кратер голем пет метри. Додаваат дека библиотеката била уништена од руска бомба тешка половина тон.
Until just recently, there was a library, one of Chernihiv’s landmarks buildings. Now there is a 5-meter crater from the russian 500-kilogram bomb. Chernihiv, Kharkiv, Mariupol—each city bears the same signature: “The russian world paid a visit there.”
Photo by Marko Melnyk. pic.twitter.com/FIlwmbMdUB— Defence of Ukraine (@DefenceU) April 17, 2022
Украина објави нов воен извештај
Украина очекува руските трупи да се обидат да го окупираат поголемиот дел од областа околу Керсон во наредните денови.
Во последниот извештај на украинската армија се наведува и дека во текот на вчерашниот ден украинските сили одбиле 12 руски напади и уништиле 10 тенкови. Во саботата, според Украинците, уништиле еден авион и три хеликоптери.