Потрагата на човекот по својот идентитет и прибежиште, во време на конзумеризам и кога различни интереси се поважни од слободата и сигурноста, е главната тема во претставата „ My name is Goran Stefanovski“. Претставата е омаж на творештвото на нашиот голем драматичар , а работена е според компилација од неговите текстови : „ Црна дупка“, „ Long play“, „ Сараево“, „ Казабалкан“, „ Хотел Европа“, „ Euroalian“ и „ Одисеј“, кои до сега не се поставени во Драмски. Адаптацијата на текстовите ја направи Бранислава Илиќ од Белград, а режијата е на Бранислав Миќуновиќ од Подгорица.
Таа моја идеја и таа моја потреба да се занимавам со Горан и да му ја посветам нему оваа претстава е сосема интимна и сосема лична и многу сум задоволен што успеавме да ја реализираме, изјави режисерот Бранислав Миќуновиќ.
Во стилот на современиот светски театар кој раскажува приказни, дејствието од 7-те парчиња, дванаесеттемина актерите го пласираат повеќе низ говор, отколу низ преживување, пренесувајќи ги вечните пораки на Стефановски. Учесниците се спој на младоста и искуството на Драмски театар.
За актерот да дојде до израз и можности да се искаже, потребен е пред се добар текст, добар режисер, актерите ги имаме и организација. рече Актерот Мето Јовановски.
Сведената сценографија, дополнета со реквизити, е на Александар Дениќ од Белград, кој е познато име на германската театарска сцена.
Јас се трудев овдека само да ги поедноставам нештата, а сепак , зашто имаме седум сегменти , тие да добијат едно единство, а повторно секој да биде различен, изјави сценографот Александар Дениќ.
За современите костими се погрижи Роза Трајческа Ристовска. Оригинална музика напиша Влатко Стефановски, а останатиот музички избор е на Давор Јордановски. „Мy name is Goran Stefanovski“, е претства за идентитетот, со силна пацифистичка порака.
Сотир Трајков