Русија ја зазеде нуклеарната централа Запорожје, најголемата во Европа, но за време на борбите меѓу руските и украинските сили кои траеја во текот на ноќта, административната зграда околу електраната се запали.
Украинските власти за тоа ја обвинија руската армија, велејќи дека ја гранатирале електраната, а украинскиот претседател Зеленски го нарече нуклеарен терор.
Но Русите сега тврдат дека зградата во нуклеарната централа всушност била запалена од Украинци. Руското Министерство за одбрана ја обвини Украина за пожарот во електраната и го нарече „монструозна провокација“.
Претставници на руското Министерство за одбрана, исто така, изјавија дека фабриката сега е под нивна контрола и работи нормално.
Пожарот во нуклеарната централа е изгаснат околу 5:20 часот по македонско време. Избувна веднаш по полноќ.