За инцидентот што го предизвика во осминафиналето, Александер Зверев доби парична казна, а одземени му се и бодовите што ги освои за постигнатите резултати во Мексико.
Третиот тенисер на светот Александер Зверев за однесувањето за време на турнирот во Акапулко е казнет со 40.000 долари и одземање на освоените бодови.
Германецот беше исфрлен од турнирот откако во меч во игра на двојки незадоволен од одлуките на судијата на крајот од мечот со рекетот удираше по столчето, а упати и серија навреди кон арбитарот. АТП му изрече драстична казна и покрај фактот што Зверев по мечот јавно се извини за своето однесување.