Огномети за славење и жртви за оплакување, вакава е денешната слика во Донбас. Двајца украински војници загинаа, а уште 18 се повредени во гранатирање во источна Украина, објавија украсинските воени сили. Артињљрискиот оган и минофрлачките ракети се интензивираше по потезите на Москва да обезбеди контрола врз регионите Доњецк и Луганск. Според Здружените сили на операција 64 оружени инциденти го прекршиле мировсниот договор од Минск.
„Како резултат на гранатирањето, за жал, двајца украински војници загинаа, а 18 беа ранети во акција. Тие во моментов се на лекување во медицински установи“, рече Павло Ковалчук, раководител на Здружените сили на операција.
Извикувајќи „Русија, Русија“ некои граѓани со огномети на улиците го прославија призвањето на независноста на Доњецк и Луганск од руска стрна.
„Ова е уште една тула на патот што го градиме од 2014 година, патот кон Руската Федерација. И нема да бидеме изненадени ако за краток временски период, по ова признавање Донбас да стане полноправна членка на нејзината голема историска татковина – Русија“ , изјави Алексеј Муратов, шеф на Извршниот комитет на Доњецк.
„Вака ќе им кажам на моите деца, кои ги имам во изобилство, бидејќи се обидувам да се сеќавам на овој момент. Не можам да ги искажам сите емоции со зборови. Среќен сум, среќен сум“, вели Андреј, жител на Доњецк.
Куќи без покриви, уништени уличишта и домови, ова се последиците од бомбардирањето во Доњецк, каде забрзано се одвива евакуацијата на населението. Во градот останаа само постарите, училиштето е сосема празно.
„Навистина е опасно да се остане овде, а звукот на артилеријата и експлозиите продолжија изминатите две ноќи. Вака не беше долго време. Првото нешто, се разбира, е да се осигура безбедноста на децата. Некои ученици се евакуирани со нивните семејства. Наставниците се уште ги утврдуваат бројките, а околу 30 отсто од учениците си заминаа“ – вели Ина Александровна, од средно училиште во Доњецк.
„Само ние сме, тука остануваат еден куп нервозни баби кои имаат скоро 80 години. Никој друг не останува овде и сите си заминаа. Син ми дојде овде да ме замоли да си одам и јас реков „не“, не сакам да одам каде било, само сакам да останам дома“, рече Нина, локален жител
Можевте да го слушнете гранатирањето цела ноќ. Беше страшно. Имаше звуци на гранатирање во 3:00 и 12:00 часот среде ноќ. Но никој случај јас не си одам.
По конфликтот во 2014 кој беше завршпен со потпишување на мировните договори во Минс, регионот Домбас добива континуирана руска поддршка, а околу 60% од граѓаните веќе имаат и руски пасоши.
Билјана Ставрова