Македонската делегација утринава пристигна во Пекинг за претстојните Олимписки игри. Нашата држава ќе има тројца претставници на собирот на најдобрите светски спортисти.
По направените редовни тестови за Ковид-19, нашите натпреварувачи и нивните тренери денеска се сместени во хотел. Сите се негативни на вирусот, а според строгите протоколи на Интернационалниот олмиписки комитет, спортистите ќе бидат тестирани секојдневно додека трае нивниот престој во Пекинг.
Отворањето на Игрите е закажано во петок на 4.февруари. Прва во Пекинг ќе настапи Ана Цветановска на 5-ти и 10-ти февруари и ќе се натпреварува во крос кантри во дисциплините 7,5 км слободно, плус 7,5 км скијатлон и 10 км класично.
Во крос кантри ќе настапи и Ставре Јада и тоа во две дисциплини, спринт слободно 1,5 км и 50 км слободно на 8. и 19.февруари. Во алпско скијање наш претставник е Дардан Дехари, кој ќе се натпреварува во слалом и велеслалом на 13. и 16.февруари.
