Жалбениот совет при Врховниот суд расправаше по жалбата на Стојанче Рибарев против одлуката на Судскиот совет, за негово разрешување од судиска функција, донесена на 14-ти јули годинава.
На седницата, Советот ja уважи жалбата на Рибарев со што се укинува решението за негово разрешување, соопштуваат од Врховниот суд.
Tој беше разрешен поради злоупотреби во електронскиот систем за самостојна распределба на судски предмети, и местење на предмети за висока корупција против поранешни високи функционери. Рибарев направи интервенција по која поранешниот премиер Никола Груевски беше оставен да се брани од слобода. Потоа осуден во случајот „Тенк“, Груевски штотуку требаше да влезе во затвор, избега во Унгарија.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.