Ловџија смртно застрелал друг ловџија во кумановско Габреш

Ловџија застрелал друг ловџија при лов во атарот на село Габреш, соопшти денеска СВР Куманово.

– Утрово во 08:00 часот во СВР Куманово педесет и деветгодишниот И.С. од Куманово пријавил дека во село Габреш во месноста Островица, пукајќи во лов го застрелал Ч.Р.(67) од село Лопате. Од страна на Брза помош е констатирано дека лицето починало, а увидот е сè уште во тек, информираа денеска од СВР Куманово.

Од полицијата најавија повеќе информации за случајот по завршување на увидот.