Што точно се случи во Комисијата за историски прашња, дали оставката на Ѓорѓиев е поради научни и национални причини и убедувања или пак има некаква политичка заднина? Она што е јасно е дека Комисијата од вчера напладне стана арена на уште една борба, овој пат меѓу владечаката партија и опозицијата.
Ѓорѓиев вчера кажа дека „се витка кичмата“, се распродаваат националните интереси и се гази врз црвената линија. На тоа дополни и дека извесен период има силен политички притисок врз ставовите на Комисијата и дека висок функционер во МНР директно се меша во работата.
Дваесет и четири часа подоцна сеуште чекаме од Ѓорѓиев одговор кој е функционерот од МНР како и дообјаснување кога и како е вршен политичкиот притисок и кои се одлуките на Комисијата кои се косат со однапред договорената стратегија и изгласаните „црвени линии“.
Нашите извори тврдат дека на состанокот на Комисијата вчера и завчера не се дискутирало за ништо ново и дека точките биле речиси идентички со оние од претходните два сосатноци а тоа можело да се потврди лесно и преку официјалниот записник. За потегот на Ѓорѓиев пак не исклучуваат дека е темпиран и со можна политичка позадина а тоа го објаснуваат со тајмингот кога е дадена оставката – на средина на состонкот на Комисијата. Изворите се децидни дека Ѓорѓиев до пред петанесетина дена речиси и да немал замерки на работата за што сведочат и неговите потписи на одлуките и додаваат дека овој потег политички поволен е само за него и неговата матична партија – ВМРО – ДПМНЕ а збунувачки е и што пред една недела одлучил да продолжи со работа во Комисијата. За нив повикот на Мицкоски да си дадат оставка е политички притисок, исто како и препукувањата кои потоа следеа на релацијата опозиција Влада и опозицијата владеачка партија.
Она што е клучно е дека историчарите сега се соочени со борба на два фронта, со бугарските колеги и во домашната јавност.
Работата на Комисијата слободно може да се каже дека е блокирана подолго од една година а тоа се должи на ригидните политички инспирирани ставови и барања на бугарските историчари како и константниот политички притисок кој доаѓа од официјална Софија.
Со оглед на фактот дека според договорот Комисијата работи на форматат 7 + 7, ќе се чека на официјализирање на оставката на Ѓорѓиев која треба да се поднесе во писмена форма кај надлежните во МНР и Влада а потоа ќе се бара нов член.
Следниот состанок на Комисијата е закажана за почетокот на декември, и доколлку биде со физичко присуство е се одржи во Скопје.
Огнен Чанчаревиќ