Поднесено обвинение за гостиварец кој вршел семејно насилство врз сопругата и ќерката. Обвинителството побарало продолжување на неговиот притвор. Правните лица кои се занимаваат со оваа проблематика велат дека во последните години насилството во домот се почесто се пријавува, иако дел од нив не бараат кривичен прогон сепак, расте свеста дека се работи за општествено зло кое претставува кривично дело.
Побарал пари на сопругата, но откако му кажала дека нема, започнал да ја удира со шлаканици. Откако не добил пари и од ќерката, продолжил со физички напади. Против гостиварец, кој се сомничи дека на 15 октомври извршил семејно насилство Основното јавно обвинителство Гостивар поднесе Обвинителен предлог за кривичните дела Телесна повреда и Загрозување на сигурноста.
- Кога ќерката се обидела да повика полиција, осомничениот зел нож од кујната и замавнал кон неа, во што бил спречен од сопругата. Тој продолжил со намерата, удирајќи ја сопругата со каиш во пределот на грбот и левата натколеница нанесувајќи и телесни повреди. Тој неколкупати на неговата ќерка и праќал пораки на телефон со закани кон неа и нејзината мајка- ЈАВНО ОБВИНИТЕЛСТВО НА РСМ.
Обвинителството поднело и предлог за продолжување на притворот на обвинетиот. Во СВР Тетово ова било прва пријава, додека во гостиварскиот Центар за социјални работи нема податоци за ова семејство.
Правниот советник Верица Тимосиеска од Здружението Женски форум вели дека жртвите на семејно насилство се повеќе се охрабруваат да го пријават, но се уште постојат предрасуди.
Тимоскиеска вели дека за да охрабарат жените да пријават, но и да побараат кривичен прогон, треба финансиски да бидат постабилни.
45 жени побарале бесплатна правна помош или совет во Здружението Женски форум за период од 10 месеци.
Данијела Билбилоска