Познати се имињата на трите атлетичарки кои останаа во конкуренција за признанието што и се доделува на најдобрата за оваа година.
Меѓу трите финалистки се најде Холанѓанката, Сифан Хасан кој оваа сезона доминираше средните и долги патеки. Хасан на Олимписките игри во Токио се закити со златото на пет и десет илјади метри, а беше на чекор до импресивниот хет-три, но на 1500 метри стигна до третото место зад Фејт Кипјегон и Лора Мјуир. Холандската атлетичарка оваа сезона го собори светскиот рекорд на 10.000 метри, а во трката на една милја во Брисел го постави најдоброто постигнување на сите времиња.
Русинката, Марија Ласистскиене оваа година успеа да ги обедини титулите светски и европски првак во сала, а во Токио конечно се искачи на највисокото место на подиумот. Руската скокачка во височина во последниве години е постојано во европскиот врв и оваа година има шанса по втор пат во кариерата да биде избрана за најдобра на Стариот континент.
Последна финалистка е полската фрлачка на кладиво Анита Влодарчик. Таа во Токио успеа по трет пат во кариерата да се закити со олимпиското злато што и овозможи да се најде во самата завршница од изборот за најдобра атлетичарка во Европа за оваа година.
