Изложбата на истакнатиот скулптор Петар Хаџи Бошков, вечерва беше отворена на археолошкиот локалитет Стоби. Преку поставката се преиспитува врската меѓу античката и модерната уметност. И се исполнува желбата на авторот неговите дела да бидат прикажани на отворен простор.
Изложбата е дел од програмата „ Стоби- жив град“. Таа не е постхумна ретроспектива на Хаџи Бошков, туку можност за разгледување на културното наследство на Стоби и увид во различни фази од творештвото на авторот, реализирани меѓу 1962 и 2004 година. Низ четириесетина негови скулптури се преиспитува врската меѓу антиката и модерното.
Изложбата ќе биде отворена до 11 Октомври, а во случај на ветер или дожд, направен е план за заштита на делата од тим конзерватори.
Фото: Агата А.