Тони Михајловски за Куманово, Александар Стојковски за Ѓорче Петров- ВМРО – ДПМНЕ ги утврди кандидатите за градоначалници

ВМРО – ДПМНЕ на Централниот комиет ги утврди кандидати за градоначалници.

• Тони Михајловски за Куманово, член на Извршниот комитет на ВМРО-ДПМНЕ, познат актер.
• Александар Стојковски за Ѓорче Петров, поранешен пратеник, доктор – радиолог на Универзитетската клиника за радиологија.
• Дарко Костовски – Бутел. Тој е пратеник, и воедно е селектор и тренер на македонската Таеквондо репрезентација
• Жарко Ристески – Македонски Брод, член на советот на општина Македонски Брод.
• Дејан Владев – Свети Николе, Виш соработник за активни мерки и политики во Центарот за вработување во Свети Николе.
• Димчо Атанасовски – Македонска Каменица, завршил во Факултетот за музички уметности во Скопје и работи во училиштето „Св. Кирил и Методиј“.
• Елеонора Рашковска – Берово, раководител на Подрачната служба на Фондот за здравствено осигурување во Берово.
• Зоран Здравески – Чашка, стопанственик.
• Маријан Миленковски – Пробиштип, доктор во ковид центарот при ЈЗУ Универзитетски клиники „Мајка Тереза„ во Скопје.
• Миле Петков – Виница, дипломиран геодетски инженер.
• Александар Китански – Пехчево, работи како доктор по ветеринарна медицина.
• Кирил Пецаков – Охрид. Тој е актуелен пратеник, со завршен Стоматолошкиот факултет.