Свадбени прослави и други свечености од денес можат да се одржуваат и во затворените простории на угостителските објекти. Ограничување ќе има во бројот на гостите, односно на една прослава исполнетоста да биде максимум 40 проценти од капацитетот. Но затворените простори на дискотеките, кабареата и клубовите нема да работат.
Сопствениците на рестораните за свадби, велат дека се задоволни од владината одлука, откако по повеќе од една година пауза сега ќе можат повторно работат и да ги вратат вработените, кои на тој начин ги прехранувале нивните семејства.
Туристичко-угостителскиот сектор беше еден од најпогодените сектори од здравствено-економската криза. Владата за него издвои пари во шеститот пакет економски мерки, односно 9,9 милиони евра беа наменети за околу 6.000 угостители кои вработуваат 17.000 луѓе.
Данијела Билбилоска