Во последните 24 часа во ковид-центрите во Скопје не се хоспитализирани нови пациенти поради компликации од коронавирусот.
Од министерството за здравство соопштија дека во моментов во главниот град се лекуваат 46 пациенти од кои најголем дел се на Инфективната клиника – 25.
Во Градската општа болница „8 Септември“ има 14, а на Институтот за ТБЦ се лекуваат 7.
Во болниците во другите градови, пак, се хоспитализирани 80 ковид-пациенти. Најмногу има во кумановската болница – 15, а во битолската и велешката има по 10.
Во болниците во Штип, Струмица и Гостивар се хоспитализирани по 9, во Охрид и Струга по 5, Прилеп 5, Тетово и Кичево по 2, а во Кавадарци и Гевгелија нема пациенти.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.