Вкупно 181 работодавач злоупотребиле 196.000 евра од финансиската помош од државата за исплата на плати за февруари или март. Без плата оставиле 753 работници. Од нив 157 не исплатиле плата за еден месец, а 24 за двата месеци- соопшти Управата за Јавни приходи. Компаниите добиле опомени, а УЈП најавува присилна наплата ако не ги исплатат платите во наведениот рок. Нив им се заканува и казна од 500 до 10.000 евра во зависност од големината на компанијата. Листата со имињата на компаниите и овојпат ќе се достави до Генералниот секретаријат на Владата, кој пак ќе треба да ја препрати до Обвинителството. Директорката на УЈП Лукаревска кажа дека во тек се засилени контроли кај оние работодавачи кои ја злоупотребија државнaта помош за плати и минатата година.
