Наредните денови се клучни за стартот на преговорите меѓу Македонија и Европската унија. Премиерот Заев верува дека, доколку дијалогот со Бугарија биде успешен, меѓувладината конференција може да се одржи уште на 23 јуни, или, да ги подобри изгледите тоа да се случи во август или во септември.
Заев е подготвен да моли за решение во Софија, но не е подготвен да го жртвува македонскиот идентитет и македонскиот јазик. Очекува покана од колегата Стефан Јанев и придржување до европските манири. Португалскиот предлог го смета за добра основа.
Прашањето за проширување на Унијата беше отворено и во Софија, при посетата на португалскиот претседател Марсело де Соуза. Неговиот домаќин, Румен Радев, му соопшти дека може да помогне да се најде конструктивен пристап и дека е најважно да се врати дијалогот меѓу Софија и Скопје на сите нивоа, но и дека има потреба од гаранции.
Овој пристап мора да се заснова на почитување на ставовите и проблемите на земјите како и на нивните позиции.Со ваков пристап, гледам отварање перспектива за интензивно продолжување на дијалогот, за развој на релевантни патокази, документи на сите структурни нивоа, што ќе даде соодветни гаранции за нас, особено за да бидеме убедени дека процесот на проширување ќе биде ефикасен, стабилен и неповратен.
Португалскиот претседател де Соуза истакнал дека се восхитува на напорите за воспоставување дијалог, иако знае дека „Историјата е чувствително прашање на Балканот. Пред десетина дена, португалското претседателство со ЕУ ги посети двете земји и им испорача можно решение, кое би ги отстранило пречките за почнување на пристапните преговори на Македонија со ЕУ.
Соња Николовска