Правници, архитекти, судии со низа забелешки околу содржината на законот за легализација на дивограбите, недореченостите и дупките со кои се овозможува амнестоија на криминал, како кај лицата кои бесправно граделе така и кај надлежните кои не постапувале. На денешната дебата организирана од Антикорупциската комисија едногласно се согласија, во заштитените подрачја не смее да има легализација.
Градежниот инспекторат а не комисија формирана од општината треба да ги идентификува дивоградбите, лице кое бара легализација на повеќе објекти треба кривично да одговара, а викендици не смее да се легализираат се дел од забелешките на првиот човек на Инспекторатот за животна средина.
За судијата Владимир Туфегџиќ овој закон е контрадикторен сам по себе.
Тој посочи неколку членови и термини во законот кои се косат со посотечки закони и правни постапки и додаде данокот кој треба да се плаќа не може да биде ист треба да зависи од големината и вредноста на објектот.
Ексминистерката за правда и професор по Уставно опрво, Рената Десковска е децидна – само со уривање на дивоградби се испраќа јасна порака и побара овој закон да се повлече.
Архитектите сметаат дека пред да се почне со изготвување на закон мора да се има инвентар на дивоградби и да се утврди точната причина како и зошто настанала таа дивоградба.
Тие се децидни легализација може само ако е во рамките на ДУП и просторното планирање.
Огнен Чанчаревиќ