Кога дипломатијата се активира, секогаш постои надеж за решавање на некој спор, убеден е поранешниот дипломат, Нано Ружин.
Вели дека, за првпат во поновата историја на нашите проблеми со соседите, имаме одредена предност и се уште е можно да се дојде до излез од ситуацијата.
Односно, проблемот со источниот сосед да се пресели во доменот на процесот за стабилизација и асоцијација, како еден вид на мост што нема да ги оневозможи преговорите, иако Бугарија го одби ваквиот предлог на Португалското претседателство.
Но, и компромисот, вели Ружин, има одредени граници и не може да го стави под знак прашалник нашиот идентитет.
Тој го поддржува покажувањето на скептицизам и индолентност од страна на политичкиот врв кон постапките на Европската унија, во смисла на тоа дека, ЕУ треба да си ги исполни ветувањата.
Доколку тоа не се случи и овојпат, Ружин смета дека сепак треба да останеме на европскиот пат, затоа што немаме други опции.
Ние, вели, не сме голема држава која може да игра улога на самодоволност или свртување кон други центри.За нас ЕУ е единствената опција.
Далиборка Демјанска Цветановска