Шестмина министри денес наредени пред главниот вакцинален пункт. Дојдоа на ред за да примат вакцина. Се вакцинираа со „Фајзер“, за разлика од дел од нивните колеги од Владата кои веќе се имунизирани со кинеската „Синофарм“.
Но, не се сметаат себеси за привилегирани и тврдат дека ниту прашувале која вакцина ќе им биде аплицирана. Најпрво беа боцнати, а потоа ја искористија приликата пред новинарските екипи да упатат апел до граѓаните едноставно да се пријават и да се вакцинираат.
Некои од министрите зброуваа и за својата лична борба со вирусот и како вакцината ќе придонесе се поретко да има такви случаи.
Пред да се вакцинираат министрите повеќе од половина час почекаа заедно во редицата со луѓето кои исто така имаа термин за денес. СМС пораки со податоци во колку часот да се јават на кој пункт, на пријавените им стигнуваат секојдневно, а паралелно расте и бројот на пристигнати пријави на vakcinacija.mk.
Сега официјалните бројки велат повеќе од 367 илјади пријавени за вакцинација. 207 илјади дози вакцини се аплицирани според досгашниот пресек на здравствените власти, а 31 илјади граѓани веќе го комплетирале вакциналниот процес со примени две дози.
Петар Догов