Деновиве се очекува засилен ангажман од португалското претседателство со ЕУ за одржување на првата меѓувладина конференција. Ова го најави вицепремиерот за европски прашања, велејќи дека, овие денови ќе има и средби и оти не смееме да претстанеме да се надеваме дека ќе станеме дел од Унијата.
Димитров не откри детали околу тоа, какви точно решенија предложил Мицотакис за рашавање на проблемот со Бугарија. Рече дека сите земји членки можат да ни помогнат и дека и Грција и Бугарија имаат голем интерес да влеземе во ЕУ.
Германската амбасадорка, пак, денеска рече дека Германија се` уште се труди, Македонија за брзо време да почне преговори.Правејќи паралела со вакцинацијата и тоа што ЕУ задоцни со доставата на вакцини за балканските земји, а просторот веднаш беше пополнет од други земји, рече дека ова многу лесно може да се случи и доколку набрзо не се почнат преговори.
Денеска и премиерот повторно ќе отпатува во Брисел, на работна вечера со потпретседателот на Европската комисија, Жозеп Борел, и лидерите на земјите од Западен Балкан.На средбата ќе се разговара за актуелни прашања од регионот во контекст за пристапувањето на земјите во ЕУ.Од Владата велат дека непосредно пред работната вечера, Заев ќе има куса одделна средба со Борел, а утре ќе се сретне со претседателот на Европскиот совет, Шарл Мишел.
Далиборка Демјанска Цветановска