Здравствените протоколи и стравот да не се изгуби работното место во време на пандемија ги стивнаа штрајковите и протестите. Универзитетскиот професор по трудово право на штипскиот Правен факултет Андон Мајхошев, кој повеќе од една деценија беше и регионален синдикален лидер во штипскиот регион, забележува дека лани евидентирал само два штрајка и пет социјални протести, а од почетокот на годинава па до Денот на трудот немало ниту еден штрајк, а имало пет протести. Работниците во реалниот сектор незадоволството го изразуваат преку протести наместо преку штрајк, од причина што не се членови на синдикатот
Светски тенденција е да се намалува членството во синдикатите, последните истражување на Мајхошев покажуваат дека македонските синдикати бележат драстичен пад на синдикалната густина. Само 23 проценти од вработените членуваат во некој синдикат. Иако владините уредби беа јасни, на терен се забележани низа прекршување на правата на работниците.
Почната е исплатата на платите од петтиот сет на мерки, колку работодавците ја злоупотребиле помошта од државата ќе се види од наредната недела, кога ќе почнат да пристигнуваат поплаки и претставки од работниците.
Викторија Димитрова Јованова
