Ниту една партија не попушта и секоја ја тера својата агенда. Обвинувањата за блокадите продолжија и денеска. Нема интерес да се седне на заедничка маса и да се постигне консензус за битните закони. Пратеничкитг рупи на ВМРО-ДПМНЕ и на Алијанса на Албанците-Алтернатива сметата дека единствен излез од кризата се предвремени парламентарни избори кои би се одржале заедно со локалните.
СДСМ не прифаќа предвремени избори. Во наредниот период ќе се обидат да се соберат 62 пратеници за да може да се свика пленарна седница. Ќе ги искористат деловничките можности, реформите да продолжат.
Собранискиот спикер Талат Џафери вчера соопшти дека се додека владејачкото мнозинство не обезбеди кворум нема да свика седница. На усвојување чекаат дури 150 дебатирани закони.
Јулијана Лефковска