Синдикатот за образование и наука бара итна средба со министерката за труд и социјала Шахпаска да им објасни по кои критериуми е донесена одлуката за зголемување на приправничкиот стаж од една на две години. Ова е против законски а приправниците ќе добиваат помала плата за една година и нема да имаат можност за унапредување тврди претседтаелот на СОНК Јаким Неделков.
Од министерството за труд велат дека по завршувањето на приправничкиот стаж од една година и успешно положениот стручен испит, приправникот го задржува работното место и останува понатаму да ги извршува работните задачи на кои е распореден.
Доколу сака да биде унапреден на повисоко работно место тогаш потребно е тој да биде приправник најмалку две години. Министерството не го продолжува приправничкиот стаж,туку работното место приправник е утврдено во Законот за заштита на децата.
Министерство за труд и социјална политика: Според Законот за заштита на децата, согласно член 136 во рамките на работните места од категоријата Б – стручни работници, категоријата В -воспитувачи, категоријата Г- стручни соработници и категоријата Д – негователи, утврдени се работни места приправник.Тоа значи дека Министертсвото не го продолжува приправничкиот стаж, туку работното место приправник е утврдено во самиот Закон за заштита на децата.
Од труд и социјала велат дека сите лица кои прв пат се вработуваат во јавна установа за деца како даватели на јавни услуги имаат статус на приправници.
Јулијана Пешевска