Фармацевтската компанија „Џонсон и Џонсон“ побара од Американската агенција за храна и лекови да ја одобри за итна употреба нејзината вакцина од една доза. Последниот извештај на Џонсон и Џонсон од 29-ти јануари велиде дека ефективноста на оваа вакцина е 66%. Иако не толку силна како вацините на Фајзер и Модерна, сепак може да ја забрза испораката, а имунизацијата да биде поедноставна.
Мислам дека се доволно добри да помогнат во нападот на пандемијата ако можат да аргументираат испорака на вакцината. Со тоа што се дава во една доза, оваа вакцина не бара ултра-ниски и комплексни услови за одржување, и затоа има практична предност. И јасно е дека немаме доволно вакцини од Модерна и Фајзер за да се справиме со пандемијата во САД, а ниту и во светот. Затоа мислам дека се од големо значење, смета доктор Џеси Гудман, поранешен член на ФДА.
Пред да даде зелено светло за третата опција во Америка, регулаторите на 26-ти февруари детално ќе ги анализираат податоците, најмногу поради тоа што оваа вакцината се дава во една доза и ќе биде сериозен конкуртент на досега одоброените Фајзер и Модерна. Истражувањето на Џонсон и Џонсон е врз 44 илјади доброволци во САД, Латинска Америка и Јужна Африка. Вакцината е 66% ефикасна, но се покажала дека заштитува од сериозни симптими 85%. Вакцината користи аденовирус тип 26 за да инјектира коронавирусни протеини во клетките на телото и да предизвика имунолошки одговор. Ако добијат одобрување од „Џонсон и Џонсон“ се подготвени да испорачаат една милијарда дози во 2021 година, кои би се произвеле во САД, Европа, Јужна Африка и Индија.
Од СЗО апелираат да се забрза вакцинацијата во светот. Загрижени се за ширењето на британскиот мутиран вид на коронавирусот и се сомневаат дали вакцините во иднина ќе бидат ефикасни и против новите мутации. Сепак се оптимисти. Тунелот е малку подолг, но годинава ќе го видиме светлото, велат од таму.
Алиса Шутиноска