Ремдисивир и Фавир не можат да се најадат во македонските аптеки, но се продаваат на црно на социјалните мрежи. Семејствата кои имаат тешко болни од коронавирусот во надеж дека ќе им помогнат ги порачуваат, а претходно ги купуваат и од соседно Косово. Овие лекови се недокажани за лекување на Ковид 19 алармираше денеска од Штип, министерот за здравство Венко Филипче. Порача никој да не ги зема на своја рака.
Филипче е дециден дека постои протокол за лекување на ковид болните, а на лекарите им е укажано неколку пати.
Министерот за здравство денеска во Штип имаше состанок со раководствата на здравствените институции, очекува штипската модуларна болница да биде готова до крајот на годината, бидејќи во овој регионален центар постојано има притисок за болничко лекување на пациентите. Веќе три дена се зголемува бројот на лица кои се хоспитализиираат, а над 30 се на кислородна поддршка.
Викторија Јованова
