Ангела Меркел од Берлин на видео конференциска врска, Заев и Борисов еден до друг во Софија. Берлинскиот процес продолжи, а придобивките по оваа средба ќе ги чуствуваат земјите од Западан Балкан, соопштија овогодинешните домаќини. За заеднички пазар и пазар на трудот, и 9 милијарди евра за економии со намалена емисија на јаглерод двооксид, честитки добија од германската канцаларка која од Берлин порача дека здравјето на граѓаните е најважно.
„ Во оваа ситуација во која се наоѓаат нашите економии, сè што ќе направите преку овој процес, ќе го поткрепи здравјето и просперитетот на граѓаните. Владите постигнаа согласност за зелена агенда и се што е постигнато е за заштита на климата на шесте земји од Западниот Балкан, како и за агендата за проширување, Берлинскиот процес и неговото напредување за помирување во регионот и здравјето на Европа“, рече Меркел.
Средбата во Софија дала резултати, и ќе има поддршка за иницијативите за регионален договор за патување со лична карта во земјите од регионот, проширување на зелените ленти на Западен Балкан кон коридорите на Европската унија, зголемена соработка во областа на здравството за регионален одговор на пандемијата, оцени македонскиот премиер Зоран Заев пред колегата Борисов во Софија.
Најзначајна придобивка според бугарскиот премиер е потпишувањето на декларацијата за заеднички регионален пазар. Тој е уверен дека дека 20 милиони луѓе од Балканот ќе може да имаат повисок стандард и ќе останат во регионот.
„ Овие 3,3 милијарди евра плус новите девет милијарди евра даваат можност за големи инфраструктурни проекти во регионот на Западен Балкан и она што отсекогаш сме го сонувале, обединување во сите области, како што е дигитална, транспортна и културна, изјави Борисов.
„Наредното лето да се видиме во Берлин“, беа последните зборви на Меркел до организаторите со надеж дека пандемијата ќе биде надмината, а корона вирусот победен.
Павле Беловски