Од следната сезона една од трките во формула 1 шампионатот ќе се вози во Саудиска Арабија.
Иако се уште не потврден календарот на следната година организаторот на трката најави дека таа ќе се одржи во ноември и ќе се вози во вториот град по големина во Џеда.
“Саудиска Арабија забрзано чекори кон вистински центар за спорт и забава. Во последниве години во земјата се организирани голем број на спортски настани и навистина сме среќни што во следната сезона во Саудиска Арабија ќе се одржи една трка од шампионатот”, изјави првиот човек на Ф1, Чејс Кери.
Саудиска Арабија по Бахреин и Абу Даби ќе биде третата земја од Блискиот исток што ќе биде домаќин на најдобрите возачи во формула 1.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.