Ултиматум од 48 часа за укинување на новиот сет на превентивни мерки со кои им се ограничува работењето испорачаа угостителите и естрадните ументици на денешниот протест пред Владата. Од кабинетот на премиерот експресно со покана за средбна во петок, на истекот од ултиматумот.
Финансиска поддршка и нови протоколи се двете клучни барања кои ги имаат естрадните уметници. Сметаат дека надлежните немаат слух за нив а револтот е се поголем бидејќи наместо да се лоцираат прекршителите и да се казнат вината за рапидниот раст се префрла на нив.
Дискотеките и ноќните клубови се на работ на финансиски колапс велат сопствениците. Седум месеци се затворени а овој пат се изоставени и од финансиска помош. Велат дека доколку мерките останата на сила и тие не ги отклучат вратите, 90 отсто од нив ќе мора да ги згаснат своите бизниси. Тврдат дека нивните објекти се безбедни.
Протокол за организирање на настани е тоа што го бараат сопствениците на ресторани за свадби со што тие повторно би почнале со работа и би се спречиле свадбите во приватна режија без протоколи.
Новиот сет на превентивни мерки кој го усвои Владата предвидува забрана на настапи на музичари, групи и ди џеи, забрана за работи на дискотеките и ноќните клубови како и рестораните за свадби како и намалување на бројот на гости во локалите.
Огнен Чанчаревиќ