Поради неодговорно возење вчерашната сообраќајна незгода во Тетово заврши со 6 повредени лица. Според неофицијални извори, односно од лица кои биле сведоци на сообраќајката во која се судрија три возила, еден од возачите возел цик-цак. Притоа девојче на возраст од 16 години со потешки повреди, заедно со уште едно повредено лице, се пренесени на скопските клиники.
Сообраќајката се случила нешто пред 19 часот на улицата „Илинденска“, а во неа учествувале три возила со тетовски регистерски ознаки.
Во незгодата со тешки телесни повреди се здобило 16 годишно девојче, сопатничка во возилото опел корса. Таа е пренесена во Тетовска клиничка болнница, каде и е укажана прва помош, по што поради сериозните повреди е однесена во комплексот клиники „Мајка Тереза“ во Скопје. Со телесни повреди се здобиле возачите на „опел корса“ и „бмв“, како и вкупно три други сопатнички од тие две возила, информира Марјан Јосифоски, портпарол на СВР Тетово.
Од СВР Тетово велат дека подрва ќе се утвдуваат причините за незгодата и околностите поради кои се случила, откако на местото бил извршен увид по овластување на јавен обвинител.
Данијела Билбилоска