Полицијата го уапси 67 годишниот Б.И кој е осомничен за убиство на својата сопруга, 60 годишната Џ.И.
Тој бил уапсен во регионот над гостиварското село Страјане и ќе биде пренесен во полициска станица, потврдија за Телма од МВР.
Безживотното тело на убиената жена, со повреди од удари со секирата, го пронајде нејзиниот 30-годишен син, В.И и веднаш го пријавил злосторството во полицијата.
Увид на местото на грозоморниот фемицид изврши и екипа од полициски службеници и дежурен јавен обвинител од основното јавно обвинителство во Гостивар, во координација со Крим Техника од МВР.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.