Колекција од околу 500 експонати, стари и по неколку века, оставнина од нивните предци, поседува семејството Јанакиевски од тетовска Волковија.
Во неа има разни документи, оружје, накит, носии и други предмети од различни временски периоди. Најстарите потекнуваат од Отоманскиот период.
Предметите ги пронашле пред неколку години, во семејниот ковчег, па оттогаш Методија Јанакиевски, започнал со собирање на сите скапоцености кои потекнуваат од неговото семејство.
Јанакиевски започнал и со дополнително истражување на историјата на неговите предци, во чие семејно стебло имало голем број свештени лица, за нивните животни патишта и битисување во родниот крај.
Во иднина, Методија сака да создаде и еден личен свој музеј преку кој ќе го презентира традиционалното историско и семејно богатство и неговата автентичност.
Данијела Билбилоска