Осум новозаразени во светниколска Мода, покажаа резултатите, кои се пристигнати до утринава, со што скринигот кој си го направи оваа компанија покажа дека вкупниот број на заразени до сега изнесува 53 работници.
Директорот на Мода, Ангел Димитров, за Телма вели дека тестирани се вкупно 620 вработени, додека 200 уште од почетокот се изoлирани со користење на владините мерки за чување на деца до 10 години или по основ на хронични заболувања.
Во Свети Николе изминатите петнаесет дена три компании ставија клуч на врата, штетите дополнително ќе ги утврдуваат, но се надеваат дека странските партнери нема да им испорачаат казнени пенали. Светиниколчани се загрижени од актуелната состојба во нивниот град.
Но, епидемиолозите и локалната власт сметаат дека следува период на затишје, очекуваат наредната недела да се намалуваат бројките на заразени, кои пред се се од кластерот на двете конфекции, како и членови на нивни семејства.
Во центарот на Овче Поле колку се активни случаи, толкав број е и во изолација. 80 отсто од позитивните на Ковид19 се асимптоматски, додека потешки случаи се хоспитализирани на инфективните оодделенија во Штип и Велес.
Викторија Димитрова Јованова