До пред еден месец имаа 15 заболени месечно, сега имаат повеќе од 15 дневно. Охридско-струшко- дебарскиот регион е во неповолна и сложена епидемиолошка ситуација. Само во последните седум дена починаа седум лица, а 115 нови се заразени со ковид-19. Едно од починатите лица е од Охрид, а шест се од општина Струга. Од новите случаи, најмногу се во Струга – 52, во Охрид се 50, а во Дебар 13.
Од Центарот за јавно здравје, кој ги покрива општините Охрид, Дебарца, Струга, Вевчани, Дебар и Центар Жупа, постојано апелираат до граѓаните да ги почитуваат мерките, да носат маски, да држат дистанца и да бидат одговорни и кон себе и кон другите.
Како и во останатите општини, и овде докторите се соочуваат со неодговорно однесување на заразените, поради што страдаат и одговорните лица.
Во моментов во Охрид се активни 161 случај, во Струга 148, а во Дебар 51.
Далиборка Демјанска