По избори подготовки, поддршка од сите пратеници за законот и во април наредната година попис. Ваквиот план за спроведување на операцијата за пребројување на населението по она во далечната 2002 според вицепремиерот Бујар Османи треба да се одржи во април наредната година, но само доколку идната власт и опозиција постигнат заеднички консензус, причина заради која пропадна претходниот обид за организарање на попис.
И да се најде политичка волја за брзо носење на законот за попис, потребно е прво да спласне корона пандемијата, предупредува директорот на Државниот завод за статистика.
Или април или октомври друга опција за попис нема, категоричен е Симовски. На државата и недостигаат податоци, а дали наредната година Македонија ќе се преброи зависи од политичарите.
Последниот обид на работните групи за поправки во Законот за попис беше пред неколку месеци кога беа усогласени и забелешките на опозицијата. Пописот беше најавен за април оваа година, но и одложен заради избори. Во 2012 година, имаше обид а ВМРО-ДПМНЕ и ДУИ се откажаа, па СЈО отвори предмет со кој беа опфатени екс премиерот Никола Груевски и лидерот на „интегративците“, Али Ахмети, истрага која оттогаш стои во место.
Павле Беловски